XX. mendeko Euskararen Corpus estatistikoa

Testuingurua

Eta badakigu lan klase hoiek guztiak pertsona bakar batek egiten dituela, edo egin behar lituzkeela behintzat.

Etxeko nagusia izan ohi da pertsona hori.

Horra zenbat jakin behar den gaur baserriko buru izateko!!!.

2.2. OFIZIOAREN IKASKETA / Ikasketak.

Azterketa hau egin dugun baserrietako buruek, beren ofizioa ikasteko zenbaterainoko istudioak egin dituzten neurtzeko Educación y Ciencia delako Ministerioak ateratako Programa de Formación Profesional de Primer Grado hartu dugu neurri.

Baserri hauetako buruak, %26, Zabalegiko Nekazari Eskolan egonak dira eta handik etxeratu zirenez gero ere, zenbait ikastaldi egin dituzte.

Zabalegin izan zirenak eta ez zirenak, esan daiteke denak, Servicio de Extensión Agrariak antolatutako ikastaldiren baten izanak dira, behin baino gehiagotan.

Baita geuk, Lurgintzak, negu garaian eratzen ditugun gau-eskola eta hitzaldietara ere etorri dira.

Eta ez, noiz edo noiz bakarrik, negu guztian baizik.

Ez, noski, behin edo beste azaldu hutsarekin; baina bai jarraipenez eta arretaz ikastaldi hoiek egin dituenak, lehenengo mailako ofizio ikasketa, eginik duela, uste dugu.

Halere, gauzak argiago gera daitezen, esan beharko litzateke lehenengo mailako programa hortan sartzen diren gai guztiak, ez ditugula eman zabalero eta sakontasun berdinez; batzuk premiazkoago baitira besteak baino gure baserritarrentzat.